Terug naar Persberichten

Bezuinigingen RTV Noord

Gepubliceerd op:
Bezuinigingen RTV Noord

d’Oflopen twij joar is der n laandelke diskuzzie west over de zulfstaandege pozitsie van de Regionoale omroupen in Nederlaand. Dit wuir doan mit t oog op de nije mediawet. Volgens t kabinet mout der bezunegd worden en dat gaait ook gebeuren mit meugelk slimme gevolgen veur de regionoale omroupen. In eerste instantsie
wuir der docht aan soamenwaarkens tussen de regionoale omroupen. Hail sekuur bekeken is dit, wat de praktiek aanbelangt nait te rizzen en tast zuks as
vanzulf de zulfstaandege stoatus van de diverse regionoale omroupen aan. In Fryslàn gaait de Pervinsie Fryslàn doarom Omrop Fryslàn nou stuktureel ondersteunen. Dit  doun ze mit t oog van behold van toal en kultuur en identiteit woarbie Omrop Fryslàn n belangrieke rol speult;

 

1)Is t Kòllezie van mainen dat onze regionoale omroup RTV Noord een slim degelke en belangriek medium in onze pervinsie is, dij sund joar en dag t grootste bereik onder d’inwoners van Stad en Ommelaand het?

 

2) Is t Kòllezie van mainen dat onze Grunneger kultuur, toal en identiteit van groot belang is veur onze pervinsie en doar ook börg veur staait?

 

3) Is t Kòllezie van mainen dat RTV Noord n slim belangrieke rol vervult bie t infermeren van d’inwoonders van de provinsie en t bewoaren en uutdroagen van de Grunneger identiteit, kultuur en toal?

 

4)Is t kòllezie t mit de Partij voor het Noorden ains dat de bezunegens van t Riek bovenop de bezunegens van de pervinsie Grunnen, n ontouloatboare wizzel trekken en zulfs de doodsteek wezen kin veur dizze belangrieke rol van de omroup?

 

5)Is t joe bekìnd dat de pervinsie Fryslàn heur omroup in beschaarmen nemt tegen zo’n veuruutzicht? Dat bedudt dat de Provincie Fryslàn n strukturele financiële biedroage aan de regionoale omroup in Fryslàn betoalen gaait.

 

6)Is t Kòllezie van plan om binnen n kört tiedsbestek in gesprek te goan mit RTV Noord om te proaten over meugelke oplözzens om kwaliteit van heur waark en doardeur onze toal, Kultuur, identiteit en t recht op regionoale infermoatsie zeker te stellen?

Extra miljoenen voor inhuur extern personeel bij provincie Groningen valt slecht

Extra miljoenen voor inhuur extern personeel bij provincie Groningen valt slecht
 De provincie Groningen heeft vorig jaar meer geld besteed aan het inhuren van extern personeel dan verwacht. Er werd geen 2,2 maar 6,2 miljoen euro aan uitgegeven.
 

PvhN: zicht op zoutwinning ontbreekt

PvhN: zicht op zoutwinning ontbreekt
Groningen/Veendam De Partij voor het Noorden (PvhN) stelt opnieuw vragen aan Gedeputeerde Staten over de zoutwinning door Nedmag. Door: Gerdt van Hofslot De partij doet dat omdat Nedmag een vergunning aanvraagt voor een nieuw winningsplan. Dit voorjaar vroeg de partij ook al opheldering over de risico’s van activiteiten van de zoutwinner bij Gedeputeerde Staten. Dat was kort voordat er e…